DAVAO CITY – Bout matud pa karon ni City Transport and Traffic Management Office (CTTMO) head Dionisio Abude nga masulbad na ang isyu mahitungod sa colorum nga mga sakyanan aron nga mahatagan og seguridad ug kaluwasan ang mga pasahero nga manakayay og tricycle.
Kini mismo ang gikanayong laraw ni Abude sabay sa pagbutyag nga usa sa matud pa nga mamahimong solusyon niini mao ang pag-abri og prangkisa alang sa mga driver o ang paghatag kanila og special permit to operate.
Subay sa impormasyon nga gikan kang Abude, nasayran nga gikan sa 22,000 anaa lamang sa kapin 5,000 ang nagparehistro sa buhatan sa Land Transportation Office (LTO) ug gikan sa kapin 5,000 ka mga rehistrado, anaa lamang usab sa kapin 1,900 ang mikuha og prangkisa gikan sa Land Transportation Franchising and Regulatory Board (LTFRB).
Gumikan niini, gihingusgan sa buhatan sa CTTMO nga hangyoon ang DoTr nga i-hold in abeyance ang maong memorandum circular aron nga mamahimo pa nga maka-issue og prangkisa ang LTFRB ngadto sa mga driver og tricycle.
