DAVAO CITY – Subling nanawagan ang Davao City Tourism Operations Office (CTOO) ngadto sa mga tour operators nga motamud sa mga polisiya ug balaod dungan sa ilang operasyon.
Sumala pa kang CTOO head Generose Tecson, kung buot sa mga tour operators nga mamahimong legal ang ilang operasyon, kinahanglan nga mokuha ang mga nahisgutan ug mga gikinahanglan nga rekisitos sama sa business permit ug lisensiya.
Kahinumduman nga usa ka tour operator ang malampuson nga nadakpan sa milabay nga bulan diin nagtanyag kini ug tour packages bisan nga walay igong permit.
Gitino sab ni Tecson nga tungod kay nagkadaghanan ang mga turista ug bisita nga mobisita dinhi sa dakbayan, kinahanglan sumala pa nga protektahan ang mga nahisgutan batok sa mga mangingilad ug illegal nga nag-operate ug susama nga negosyo.
Gitataw sab sa opisyal nga dili sumala mamahimong tugtan ang usa ka tour operator nga makabaligya ug nga tour packages ingon man mga hotels nga temporaryong puy-an sa mga turista kung wala kini igong pagtugot sa ilang operasyon ug ticketing lamang ang nakarehistro sa ilang negosyo.
