Mihatag og tabang ang City Government of Davao pinaagi sa City Social Welfare and Development Office (CSWDO) ang anaa sa 18 ka mga pamilya nga apektado sa sunog sa Purok 5, Trading Boulevard, Barangay 37-D, Poblacion B, ning dakbayan sa Davao, diin temporaryo nga nagapundo sa gym ang mga biktima sa maong sunog.
Gihatagan og hot meals sa CSWDO pinaagi sa mobile kitchen ug nagbutang usab kini og child-friendly space sulod sa evacuation site alang sa mga bata.
Human usab sa validation sa CSWDO Direct Service Implementers (DSI), dali nga gipang-apud apod ang mga food ug non-food assistance uban ang hygiene kit ug disaster response kit gikan sa City Mayor’s Office (CMO).
Sa report sa Bureau of Fire Protection (BFP) Davao City Fire District, nasayran nga usa ka two-story nga gambalay ang naugdaw diin anaa lamang kini sa 1st alarm sanglit paspas miabot ang kabomberohan.
Wala’y natala nga casualty sa nahitabo apan adunay duha ang nakahiagom og mga paso susama sa 47-anyos nga lalaki kinsa nakaangkon og second-degree burn sa walang kamot ug likod, samtang ang 10-anyos usab nga biktima, nakaangkon og paso sa bitiis nga second-degree burn nga anaa na sa luwas nga kahimtang.
Napulo sumala pa ka mga balay ang apektado nga gilangkuban sa 24 ka pamilya ug adunay napulo ka mga boarders, dose usab ka mga balay ang totally damaged, duha ang partially damaged ug upat ang slightly damaged.
Sumala pa sa BFP-Davao, gibana-banaan nga mokabat sa kapin P750,000 ang damyos sa maong sunog.
