DAVAO CITY – Gipasalig sa Davao City Social Services and Development Office (CSSDO) nga magpadayon ang paghatag nila ug hinabang sa mga nabiktima sa kusog nga pagbalod o habagat sa pipila ka mga coastal barangay sa siyudad.
Kahinumduman nga una ng gibutyag sa City Disaster Risk Reduction and Management Office (CDRRMO) nga masinatian pa gihapon ang kusog nga mga pagbalod sa kadagatan sa dakbayan hinungdan nga kanunay ang ilang pahimangno sa mga mibakwit nga residente nga dili una mobalik sa ilang mga panimalay.
Una ng gibutyag ni Ma. Luisa Bermudo, head sa CSSDO ngaanaa na matud pa sa P2 milyones nga kantidad sa hinabang ang natunol sa lokal nga panggamhanan alang sa mga residente nga apektado.
Gikanayong ang matag pamilya makadawat ug tig-P5,000 ka pesos. Pahayag ni Ma. Luisa Bermudo, head sa City Social Services and Development Office (CSSDO).
Gihangyo sab ni CDRRMO head Alfredo Baloran ang mga residente nga totally damage ang ilang mga pinuy-anan nga dili na mobalik ug magpabilin na lamang sa mga evacuation center sanglit magpabilin nga delikado ang sitwasyon sa mga kadagatan.
