Naglaum ang Department of Justice (DOJ) nga ikunsedera ni Vice President Sara Duterte ang gipasakang criminal complaints batok sa iyaha isip higayon aron limpyuhan ang pangalan niini.
Gihimo ni Justice spokerperson Mico Clavano ang nahisgutang pamahayag, homan nga opisyal mipasaka ug rekomendasyon ang National Bureau of Investigation (NBI) sa DOJ niadtong milabay nga adlaw ug incitement to sedition ug grave threat complaints basi sa Bise Presidente.
Dugang pa ni ASec. Clavano, naglaum sila nga mutambong ang ikaduhang pangulo sa preliminary investigation sa higayong kini ang ipatawag.
Matod pa niini nga usa kini ka transparent process, hinungdan nga nag-amping usab sila gumikan kay kini ang laban sa usa sa pinakamataas nga opisyal sa nasud.
Katungod usab sa Bise presidente nga magsubmitar ug counter affidavit isip depensa niini ug gamiton kini isip higayon nga limpyuhan ang iyahang pangalan.
Giklaro usab ni ASec. Clavano, ang gipasakang complaints sa NBI batok kang VP Sara ang nagpabilin pa sa National Prosecution Service (NPS) aron i-analisa ug sayron kung nagbaton kini ug “reasonable certainty of conviction”.
Nagpasabot nga mamahimong mabalik ang nahisgutang complaints sa NBI alang sa dugang case build-up o magpadayon sa preliminary investigation nga magresulta sa pagpasaka ug mga kaso sa korte.
Gilauman nga abuton lamang ug pipila ka adlaw ang pag-analisa sa National Prosecution Service sa gipasakang reklamo.
Kahinumduman nga nag-ugat ang nahisgutang complaints batok sa ikaduhang pangulo sa nasud, homan niini gibutyag sa usa ka online press conference niadtong milabay nga tuig nga aduna kini gisugo nga mupatay kang Pangulong Ferdinand Marcos jr., First Lady Liza Araneta-Marcos ug House Speaker Martin Romualdez sa higayong siya ang pagapatyon.
