DAVAO CITY – Suportado karon sa mga miyembro sa Davao City Peace and Order Council (CPOC) ang sugyot ni Mayor Inday Sara Duterte-Carpio nga tangtangon ang balaud militar sa dakbayan.
Kahinumduman nga giduso sa CPOC nga gipangunahan ni Mayor Inday ang resolusyon aron nga dili na ilakip ang dakbayan sa Martial Law sa Mindanao.
Una na sab nga gibutyag ni Public Safety and Security Command Center (PSSCC) chief Benito de Leon nga mihimo siya ug mosyon human nadawat ang evaluation gikan sa Joint Task Force Haribon, usa ka military task force nga motutok sa military operations dinhi sa dakbayan sa Davao ingon man sa kasikbit nga Island Garden City of Samal.
Gikanayon sab sa Haribon nga wala sumala pay bahad karon nga nadawat ang siyudad.
Una ng gibutyag ni Mayor Inday nga kinahanglan dili i-apply ang martial law sa tibuok Mindanao inay sa mga areas lamang nga ilalom sa military rule ug wala pa naangkon ang tinuod nga kalinaw.
Gi-angkon ni De Leon nga adunay dili maayong imahe ang dakbayansa uban nga nasod partikular na sa kasadpan nga bahin gumikan sa deklarasyon sa balaod militar.
Una ng gibutyag ni City Tourism and Operations Office (CTOO) head Generose Tecson, nga ang pagpatuman sa martial law adunay dyutay nga epekto sa turista ug mga investors nga planong mosulod sa dakbayan.
