DAVAO CITY – Giklaro sa Task force Davao against covid19 nga usa ka fake news ang balita nga dunay batang nag edad 5 hangtod 9 anyos ang namatay gumikan sa covid19 vaccine.
Sumala pa kang Davao City COVID-19 Task Force Spokesperson Dr. Michelle Schlosser, subay sa ilang gikuptan nga datos zero death busa fake news ang maong balita, hinuon aminado ang opisyal nga dunay minor adverse effect nga gibati sa pipila nga mga nabakunahan pero common matod pa kini og walay angay kabalak-an.
Subay sa datos sa vaccinationa cluster alang sa pedriatic age group, mikabat na sa 3,879 ka batang nag edad og 5 to 11 years old ang nabakunahan diin target sa lokal nga panggamhanan nga mabakunahan ang 260,000 nga bata sa nasangpit nga age group.
Malaumon ang opsiyal nga musaka pa ang ihap sa mga bata nga mabakunahan batok covid 19. Gikabutyag ni Schlosser, nga plano unta nga ablihan ang siyam ka district vaccination sites pero upat lang ang napaablihan gumikan sa pagkadelay sa logistics.
Kahinumdumang nag operate na ang special vaccination sa Almendras Gym, sa Vicente Hizon Elementary School, and the San Roque Elementary School.
Busa lauman usab nga mag abli ang vax site sa SM City Davao diha sa Quimpo Boulevard, Gaisano Mall Toril, the F. Dizon Elementary School, og sa Holy Cross College of Calinan.
