DAVAO CITY – Nakatala na ug kinatibuk-ang ihap nga 141 ka mga Patients Under Investigation (PUI) sa COVID-19 ang tibuok Davao Region. Kini ang subay na sa pinakabag-ong gipagula nga datos sa Department of Health (DOH) 11 karong adlawa.
Sa 141 ka mga PUIs, 71 niini ang naka-admit ug 61 usab niini ang na discharge na.
Samtang anaa na usab sa kinatibuk-ang 10,361 ang ihap sa mga Persons Under Monitoring (PUMs) dinhi sa rehiyon ug 3,589 niini ang na-cleared na ug 6,771 ang anaa sa under observation.
Nakatala na usab ang rehiyon og kinatibuk-ang 10 ka mga namatay diin, usa niini ang PUM ug ang 9 niini ang PUI diin upat ang nag-negatibo ug kasamtangan pang ginahulat ang resulta sa lima ka namatay nga mga PUIs gikan sa Research Institute for Tropical Medicine (RITM).
Samtang duna usab kinatibukang 6 ka mga kupirmadong kaso sa COVID-19 diin 5 niini ang naka-admit ug usa ang nakarecover na.
