DAVAO CITY- Miapela og ‘panaghiusa’ sa mga dabawenyo si Councilor Bonz Andrei Militar human ang matud pa suspension ni Mayor Sebastian Baste Duterte ug Vice Mayor Atty. J. Melchor Quitain.
Matud pa ni Councilor Militar nga ang hungihong nga suspension bisan pa man tinuod o dili ang nagpahinabog og kasamok ug espekulasyon sa katawhan.
Dugang pa niini nga importate gayud nga kitang mga responsableng katawhan ang likayan ang paglukso sa mga konklusyon base lamang sa wala pa napamatud-ang kasayuran.
Nanawagan kini karon sa matag-usa nga mobarog gayud alang sa panaghiusa ug transparency bisan pa man matud pa kining maong mga hungihong ang mapamatud-ang tinuod o dili.
Subli usab kini siyang nanawagan ngadto sa City Council nga mobarog lang sa katawhan diin ang pagmando sa balaod ang mupatigbabaw ug magpabilin commiteed sa pagsiguro nga anaa sa lugar ug progresibo gayud ang syudad.
Pagpaklaro usab ni Vice Mayor Quitain nga ning kasamtangan wala gihapon silay nadawatan opisyal nga komunikayson mahitungod nahisgutang suspension. Kahinumdumang si Atty. Harry Roque, kanhing Spokesperson ni Former President Rodrigo Duterte ang mibutyag matud pap lano sa Marcos Administration nga isuspende si Mayor Baste Duterte ug Vice Mayor Quitain atol sa live broadcast niini sa milabayg semana.
Samtang sa pikas bahin nagkanayon usab si Mayor Baste Duterte kalabot niini nga aduna gayuy nga hungihong nga i-susoend sya apan sigon niini nga magpadayon lamang gihapon siya, unsa may mahitabo bisan pa man nawala kini siya tungod matud pa hangtod karon malinawon ang syudad.
via// DMA
