DAVAO CITY- Wala matud pa mibotar si First District Councilor Bernard Al-ag kabahin sa ipahigayon nga P2 Bilyon nga Supplemental Budget sa Davao City. Adunay 15 ka mga mi uyon ug usa lamang ang wala, nga mao usab ang hinungdan nga gi aprobahan dayun kini sa 20th Davao City Council ilawom sa pagdumala ni Vice Mayor J. Melchor Quitain Jr.
Nahimong nakakuha usab kini ug atensyon sa mga tawo gumikan sa wala pag uyon ni Al-ag sa maong budget proposal.
Hinuon, sa kinse ka mga council members nagpakita kini ug pag-uyon ug sporta sa maong ipahigayon nga budget alang ngadto sa dakbayan, nga maoy laraw karon karon na makahatag ug tabang sa pagpataas sa sweldo sa mga plantilla employees sa city government, pagpa sweldo sa mga job order (JO) workers, lakip na usab ang mga cotracts of service (COS), ug ang mga pundo nga alang sa mga imprastraktura, kalamboan ug sa economic enterprise.
Gilangkuban usab sa supplemental budget nga mga pundo alang sa mga vital city services susama sa mga operation markets, ihawanan, sementeryo, sa Davao City Recreation Center, ug ang Sta. Ana Port.
