DAVAO CITY – Gipamahayag sa DENR-Davao nga mamahimo pang ma-rehabilitate ang mga coral reefs nga ilabihang maguba sa ipatukod nga Samal Island-Davao City Connector Project.
Gikanayon ni Dominic Cabactulan, OIC sa Coastal Resource and Foreshore Management Section sa ahensya, posible ang rehabilitasyon sa mga coral reefs sa mga kadagatan sa Samal Island, sanglit dugay na nila kining gipahigayon sukad pa 2012, ug nahimo sab kini sa pipila ka bahin sa rehiyon saman sa Mabini, Davao de Oro ug sa Pujada Bay, Mati, Davao Oriental.
Ilaha sab nasayran uban ang Rodriguez family nga tag-iya sa usa ka resort nga apektado sa SIDC, nga susamang mga species sa corals sa Pujada Bay ang makit-an sab sa mga kadagatan sa Paradise Reef sa Samal.
Dugang sab sa ahensya nga matud pa, balido ang gikataho sa mga environmental groups mahitungod sa posibleng pagkadaot sa pipila ka bahin sa coral reef systems sa isla.
Kahinundumang unang mipadayag sa iyang pagkadiskumpyado sa maong proyekto ni ECOTENEO director Maria Carmela Santos ug pipila sab nga environmental groups nga nag-sugot sa realignment sa maong tulay.
VIA || Bombo LJF
