DAVAO CITY – Napangos ang tuhod sa usa ka cook sa usa ka restaurant nga nag-sideline sa pagpalusot ug illegal nga druga atol sa gilusad nga buy bust operation.
Naila ang suspek nga usa ka Eduardo Bidoya, 58, menyo, taga-St. Mary’s, Jerome, Agdao ning dakbayan sa Davao nga na buy-bust sa kapolisan sa Tugbok human nga nagpaka-aron ingnon nga mopalit ug illegal nga druga.
Natigayon ang transaksyon sa Trading Boulevard, ug sa dihang nakamatikod ang suspek nga police ang iyang gikatransaksyon dali kini nga misakay sa iyang bisikleta ug mitinguha sa pag-ikyas gikan sa gikatransaksyon nga sakop sa kapolisan.
Na-corner ang suspek sa usa ka fast food chain sa mga sakop sa Tugbok Police ug San Pedro Police Station.
Mismong ang hepe sa Tugbok Police Station nga usa ka Police Major Obenza sa pagpakig-alayon sa San Pedro Police Station ug malampuson nga nadakpan ang suspek.
Gikustodiya na karon ang suspek sa Tugbok PNP ug gihikay na ang kasong kalapasan sa Republic Act 9165 Comprehensive Dangerous Drug Act of 2002 human nakuhaan ug duha ka managlahi nga pakete sa shabu nga mikantidad ug dos mil ka pesos.
