DAVAO CITY- Nasikop sa hiniusang pwersa sa National Bureau of Investigation (NBI) SEMRO XI ug Philippine Drug Enforcement Agency (PDEA) XI atol sa gimugnang drug buy bust operation kagahapon sa gabie ang usa ka content creator nga si Christ Briand o mas naila nga ngalang ‘Brader’.
Ang maong suspetsado ang sumala pa napalitan og usa ka pakete nga adunay sulod nga pinaugang Marijuana ug usa ka 30ml nga botilya sa Marijuana oil ug usa pa ka cartridge nga 2ml nga adunay sulod nga Marijuana oil.
Atol sa pagrekisa sa maong indibidual nakuhaan usab kini oh lain pang 38 ka pakete sa mga pinaugang dahon sa marijuana nga sa kinatibuk-an anaa sa 35 gramos ang gidaghanon, marijuana nga gibalot sa clingwrap ug usa ka botelya sa 30ml nga marijuana oil ug kinse ka botilya nga adunay nakalabel nga ‘love and respect by crist briand’ diin nasayrang ang sulod niini nga marijuaa oil lamang gihapon.
Sumala pa ni Atty. Arcelito Albao, labaw sa NBI-SEMRO XI nga aduna matud pa kini silay nadawatang reklamo kalabot sa maong suspetsado diin matud pa adunay usab nadakpan gikan sa Rehiyon 13 nga ginatudlong si Christ Briand ang supplier niini.
Dugang pa niini nga matud pa ang una nang nasikop nga si Kriszelle Ann Cabo kansang nagsinamok atol sa triathlon event niadtong milabayng semana ang matud pa ginasupplayan usab niining maong suspetsado.
Ning kasamtangan ginahan-ay na usab ang kasong ipasaka batok kay Christ Briand kalabot sa pagsupak sa RA 9165 Comprehensive Dangerous Drugs Act of 2002.
