DAVAO CITY- Gikustudiya na karon sa Talomo Police Station ang usa ka construction worker nga mikatkat sa usa ka billboard nga nahimutang sa Bangkal ning dakabyan sa Davao kagahapon sa hapon.
Giila ang nahisgutan nga si Alias Rolan-33-anyos nga residente sa Maceda Compound sa Km.7, Bangkal ning dakbayan.
Subay sa report sa kapulisan, pasado alas singko ang takna, nakita kini sa mga tawo nga nga misaka na sa Billboard kilid sa usa ka FM Station sa nasampit nga lugar.
Sa inisyal nga imbistigasyon, nasinatian sumala pa sa nahisgutan ang tumang depression human nga iyaha sumala pa nga nadiskubrihan nga ang iyahang asawa ang adunay laing lalaki samtang anaa kini sa Manila sulod sa unom ka bulan samtang nagpaabot kini sa paglagra sa abroad.
Apan sa pagkakaron ang iyahang asawa ang anaa na sa Kingdom of Saudi Arabia isip Domestic Helper.
Atol sa maong panghitabo, dali kini gisulayan sa parescue 911 USAR ug gimaymayan hangtod nga mikanaog ra kini gikan sa iyahang nahimutangan sa tumoy nga bahin sa bilboard.
Gumikan sa iyahang gihimo, pasakahan kini ug kaso nga Alarms and Scandals.
