DAVAO CITY – Mi-apela si Davao City First District Cong, Paolo “Pulong” Duterte nga dili idamay ang iyang pangalan sa hisgutanan sa speakership sa Kamara.
Kini ang tubag sa Presidential son human gipagula sa usa ka kampo ang iyang pangalan isip usa sa ilang supporter.
Una ng gibutyag ni Pulong nga dili niya buot nga gamiton ang iyang pangalan sa hugaw, malisyoso, bastos, ug walay respeto nga politika.
Kahinumduman nga pipila sa mga kandidato sa House speakership nga gi-endorso sa PDP-Laban ang gilangkuban nila ni Marinduque Representative Lord Allan Velasco, Taguig Pateros Representative Alan Peter Cayetano, ug Leyte Representative Martin Romualdez.
Gitataw sa batang duterte nga bisan mga higala nila ang mga nahisgutan, aduna sumala pa kini limitasyon hinungdan nga dili niya buot nga mohatag ug pahayag kung si kinsa ang iyang pili-on.
Gi-awhag na lamang niini ang iyang mga kaubanan nga kongresista nga mopili ug tarong kung si kinsa ang ihulip kang outgoing Speaker Gloria Arroyo.
