DAVAO CITY – Gilimod ni Davao del Norte First District Representative Pantaleon Alvarez ang usa ka report nga nangayo sumala pa siya ug pasaylo human sa iyahang pamahayag kabahin sa pag-atras sa suporta sa mga sundalo ug kapulisan ngadto kang Pang. Ferdinand Marcos Jr. atol sa Maisug rally sa Davao City Sporst and Tourism Complex sa Tagum City, Davao del Norte.
Kahinumduman nga miani ug mga pagbatikos ang nahimong pahayag sa kanhing Speaker ug kasamtangan nga kongresista sa unang distrito sa Davao Del Norte nga posibling moabot sa Ethics Committee ug ingon ang kasong atubangon gumikan sa iyahang pahayag.
Apan gipaklaro ni Alvarez nga wala kini problema kung imbistigahan man siya sa mga otoridad nga una ng giawhag ang DOJ nga kasuhan ang kongresista.
Sa kabahin ni Alvarez, careful sumala pa siya sa iyahang mga pahayag sanglit usa siya ka abogado ug kabalo siya kung unsay mga elemento sa krimen.
Gipaklaro sab niini nga sa karon wala kini nadawat nga notice gikan sa House of Representatives, ug kung aduna man andam sumala pa niya kining atubangon.
Kahinumduman nga nagpaguwa ug pahayag ang kapulisan ug kasundaluhan sa pag-alkontra sa pahayag sa kangresista ug ilahang gipasalig nga solido ang ilahang suporta ngadto sa Marcos Administration.
