Gihagit ni Cong. Paolo Pulong Duterte ang kaatbang niining representante sa unang distrito ning dakbayan, nga mupailawom og hair-follicle test usab, gumikan subli sab kining nagpa-test arun sumala pa mahatagan og kumpyansa ang katawhan.
Lakip sab sa palakbit nga bugal-bugal ni Polong mao ang pagtawag og “young goons” ngadto sa mga young guns sumala pa sa Kongreso.
Dugang pa niini nga ang pagpailawom og hair-follicle test, maoy angayan gumikan usa sumala pa kana nga tima-ilhan nga limpyo ang kaugalingon nga muatubang sa katawhan aron moserbisyon ug mualagad ngadto kanila.
Sigon pa ni Pulong nga nahuman na matud pa siya sa maong test, og ugaling kinahanglanon pang muusab nga magpailawom sa maong test, buhaton gihapon sumala pa kini niya, aron nga walay mabilin nga kabalaka ang katawhan labot sa integridad matud pa ngadto sa ilahang mga lider.
Subay na usab sa resulta, nag-negatibo kini batok sa paggamit og illegal nga droga.
Sa pikas bahin, mikasa si PBA Rep. Migs Nograles sa hagit ni Davao City 1st District Rep. Paolo Duterte nga magpa-hair follicle test.
Sigon pa ni Nograles nga na-apprecaite matud pa niini nga gipost ni incumbent 1st District Cong. Duterte ang drug test niini, apan niadtong milabay nga bulan sa Agosto matud pa kini gibuhat.
Alang sa transparency ug accountability sa matag katawhang Dabawenyo, imbitahon matud pa ni Nograles ni Duterte nga ubanon kini aron nga magpadrug test usab karong adlawa ning tuiga, ala 1:30 karong hapon dinhi sa dakbayan sa Hi Precision Laboratory nga nahimutang sa Bajada.
Gihagit niini si Duterte nga sabay matud pa silang magpadrug test ug ipakita sa mga Dabawenyo nga wala sila nahadlok nga mapamatud-an nga mali ang mga alegasyon. Gani, nanghinaot kini nga magpakita si Cong. Pulong Duterte, sigon pa niini kang Duterte, ‘Hope to see you there.’
Kahinumdumang gihagit ni VP Sara Duterte ang ang pipila ka mga kongresista nga magpadrug-test ug sa higayong mukasa ang mga naasoy, musugot siya sa nahimong mungkahi ni Rep. Khonghun nga magpapsychological evaluation aron masuta og duna pa ba kini katakos nga magdumala sa nasud human nga mibuhi kini og mga pulong sama sa ipakalot matud pa niini si ex-Pres. Marcos Sr. ug ipalabay sa West PH Sea og di kini lung-an sa kampo ni Marcos, ingon man ang laraw niini nga putlan og ulo si PBBM gumika lamang sa hangyo sa usa ka PMA graduate nga pangayuon ang relo niini.
