Andam motubag sa korte si Cavite Representative Francisco “Kiko” Barzaga sa kaso nga cyberlibel nga gisang-at batok kaniya sa casino tycoon nga si Enrique Razon Jr..
Gibarugan sa maong magbabalaod nga tinuod sumala pa ang iyahang gibutyag kabahin sa paghatag og kwarta ni Razon sa pipila ka magbabalaod aron dili mawala ang ilahang suporta kang kanhing Speaker Martin Romualdez.
Gikanayon niini nga dili siya matandog ni Razon bisan pa og usa kini sa labing adunahan sa nasud kay ang kamatuoran ang iyang gibarugan.
Kahinumduman nga gisang-at sa ports og casino tycoon ang kaso nga cyberlibel batok kang Cavite Representative Francisco “Kiko” Barzaga.
Kini human sa akusasyon sa kongresista nga nalambigit matud pa ang negosyante sa pagpanuhol sa Kongreso.
Gisang-at ni Razon sa Makati City Prosecutors’ Office ang duha ka kaso nga cyberlibel batok ni Barzaga ug nangayo og civil damages nga P100 milyon alang sa moral damages ug P10 milyon alang sa exemplary damages tungod sa pagdaot sa reputasyon ug nakahatag og emotional distress niini.
Ang kaso nagsugod gikan sa social media post ni Barzaga nga nag-ingon nga si Razon mao sumala ang nag-una sa korapsyon sa Kongreso diin gibayran niya ang mga miyembro sa National Unity Party (NUP) sa usa ka panagtigom aron masiguro ang suporta kang kanhing Speaker Martin Romualdez.
