DAVAO CITY – Gikalipay ni Davao del Norte first district congressman Pantaleon “Bebot” Alvarez ang nahimong desisyon sa sandigan bayan sa kaso nga iyang giduso batok kang kanhi kongresista nga si Antonio Floirendo Jr. Kahinumduman nga ang magbabalaod maoy nangusog sa maong reklamo diin dakong supak sumala pa ang venture agreement nga gisulod tali sa Bureau of Corrections (Bucor) ug Tagum Agricultural Development Company (TADECO) sa ektarya nga luna nga ginag-iyahan sa gobyerno apan wala sumala pa napahimuslan gumikan sa ubos nga arkila niini.
Sumala kang alvarez, grabe ang korapsiyon sa maong kasabutan nga nagsugod sukad pa kaniadtong panahon ni kanhi Pangulong Ferdinand Marcos diin wala sumala pa natarog ang maong pamilya.
Gani nalugwayan sumala pa ang korapsiyon dihang milingkod sa iyang katungdananang kanhi kongresista sa 2nd district sa Davao del Norte hinungdan nga mihimo na ug lakang si Alvarez aron nga mahatagan sumala pa ug hustisya ang mga nahimong binuang sa lalawigan sa Davao del Norte.
Gitataw sa opisyal nga sa milabay nga mga katuigan, anaa lamang sa P20 ang arkila sa pamilyang Floirendo sa maong luna sa matag ektarya o mas ubos sa uban nga mga pribadong kompanya sama sa Dole nga anaa sa P500 ngadto na P800 matag tuig.
Gikanayon sab ni Alvarez nga mas maayo sumala pa nga dili na moapela sa Floirendo sa kaso nga iyang gi-atubang ilabi na nga anaa sa tulo gikan sa upat ka mga miboto nga angaya’ng makombekto sa salaod ang kanhi kongresista.
Mas maayo sumala pa nga hinay-hinay na lamang nga mobaktas ang nahisgutan padulong sa presohan.
