DAVAO CITY- Anaa pa lamang sa 30% ang turn-out sa nagapadayong Community-Based Monitoring System kon CMBS ug population census nga ginapahigayon pinaagi sa Philippine Statistics Authority ug City Planning and Development Office dinhi sa dakbayan sa dabaw.
Ang maong CMBS mao ang usa ka diagnostic tool nga motimbang-timbang sa ka kabus sa usa ka barangay, munisipalidad, syudad og probinsyal nga level nga gisugdan niadtong Hulyo 15 og planong mahuman kini karong umaabot nga Setyembre 16 ning tuig kasamtangan.
Sumala pa ni Edwin Bacalso Jr., ang City Statistician alang sa CMBS nga kining proyekto sa population census ang ginaimplementar matag lima ka tuig.
Sumala pa nga kini ang gipangunahan sa Philippine Statistics Authority nationwide gumikan kay gisabay na usab nila ang accumulated based monitoring system diin kini nga sistema mao ang mag-update sa social registry sa tibuok syudad.
Dugang pa niini nga ang maong datos ang magamit usab sa mga national agencies ug lokal nga panggamhanan aron ma-update usab og kinsa ang mga vulnerable sektors nga kinahanglang matubag ang mga interbensyong ginaka-atubang.
Ang CBMS ang adunay budget nga anaa sa P53 million ubos sa annual development funds sa local budget 1.
Pagpasabot pa ni Bacalso nga ang maong kantidad ang naglakip na sa gasto alang sa trainings sa enumerators, data processors, team supervisors ug CBMS area supervisors, Lakip na usab sa maong budget ang sweldoan sa maong mga indibidual ug transportation expenses.
Ning kasamtangan adunay 1,700 ka mga indibidual ang nagsilbing nga enumerators ug personahe sa maong proyekto diin kini sila ang gipa-ilawom una sa lima ka adlaw nga pagtraining arun mahanas sa maong pag kaylap og datos ilabi pa kay tablet na ang ginagamit alang niini ayha pa man kini sila gideploy ngadto sa komunidad.
Dugang pa niini nga aduna pay tyansang malugwayan ang maong proyekto gumikan kay anaa pa lamang sa 30% ang turn-out ning kasamtangan diin kinmahanglang anaa na unta kini sa 50%.
