DAVAO CITY – Nilusad og operasyon ang Commission on Human Rights (CHR) sa Davao Region sa mga kamatayon nga giingong nahitabo atol sa “restarted” drug war sa dinhi sa Davao City.
Gipadayag sa CHR ang ilabihang kabalaka sa deklarasyon ni Davao City Mayor Sebastian Duterte nga ipadayon ang drug war ug gipasiugda nga bisan ang mga dinakpan nga kriminal adunay sukaranang katungod sa kinabuhi.
Gipatutukan karon sa ahensya sa giingong mga pagpatay nga may kalambigitan sa droga sa siyudad, nga nag-ingon nga kini naglangkob sa grabeng mga paglapas sa batakang tawhanong katungod, ilabina ang katungod sa kinabuhi ug due process, ug direkta nga wala pagtagad sa mga prinsipyo sa hustisya ug rule of law.
Kahinunumduman nga nipahimangno si Mayor Baste sa mga drug pushers nga mobiya sa iyang siyudad atol sa nahitabong change of command ceremony sa bag-ong hepe sa Davao City Police Office nga si PCol. Richard Bad-Ang ning bag-uhay lang diin ning kasamtangan, anaa sa 7 ang ihap sa mga nakabsan sa kinabuhi pipila ka adlaw pagkahuman sa pasidaan.
via || Bombo LJF
