DAVAO CITY – Gawas sa mga tents ug pagkaon, nanginahanglan sab sumala pa karon ug comfort rooms ingon man portalets ang mga evacuation sites diin nahimutang ang mga biktima sa linog.
Kahinumduman nga nagkalot na matud pa karon ang pipila ka mga bakwit aron mohimo ug makeshift toilet alang sa 200 ka mga pamilya.
Samtang pipila sumala pa sa mga evacuees ang mahangyo na lamang sa mga balay nga adunay banyo ug tubig.
Gikanayong kadaghanan sumala pa sa mga evacuation centers ang walay sanitation facilities. Sumala sa day care worker nga si Merly Pulong sa Makilala, North Cotabato, aduna sumala pay mga adlaw nga wala na siya nakabanyo.
Una na sab nga gibutyag ni Magsaysay Mayor Arthur Davin nga lisud sumala pa ang pagpahimutang ug susama nga pasilidad alang sa mga bakwit.
Padayon sab ang panawagan karon sa mga evacuees nga gikan sa Upper Bala, ilabi na sa mga kababaenhan nga modonar ug toiletries gawas sa pagkaon ug potable water.
Wala sab sumala pa silay sabon ug alcohol aron nga ipanglimpiyo sa ilang mga anak.
