DAVAO CITY – Nanawagan ang ahensiya sa Commission on elections (Comelec) ngadto sa mga botante partikular na kadtong natangtang sa listahan nga asikasuhon gilayon ang pag-reactivate sa ilang pangalan.
Kahinumduman nga una ng gibutyag ni Atty. Krisna Samantha Caballero, tigpamaba sa Comelec nga mukabat na ngadto sa 127,000 ang na-deactivate apan hatagan sumala pa ug kahigayonan ang mga nahisgutan nga subling ma-activate ang ilang pangalan hangtud sa Setyembre 30 ning tuig kasamtangan.
Wala na matud pay ihatag nga lugway ang ahensiya alang sa mga botante nga gitangtang sa listahan human nga wala nakaboto sulod sa duruha ka mga eleksiyon.
Base sa listahan sa ahensiya comelec, anaa sa 87,634 ang na-diactivate sa first district; 1, 278 sa second district ug 38,692 sa ikatulong distrito.
