DAVAO CITY – Nagpahinumdom karon ang ahensiya sa Commission on elections (Comelec) nga hangtud sa Sabado na lamang, Mayo 11, 2019 ang pagpangampanya sa kandidato sa midterm elections.
Bisan nga lima ka adlaw na lamang ayha ang eleksiyon, nagpahimangno pa gihapon si Atty. Michael Abas, regional director sa Commission on Elections (Comelec) nga hugtanon pa gihapon nila nga imonitor ang mga kandidato hinungdan nga gipasidan-an sa opisyal ang mga nahisgutan nga kinahanglan dili mohimo ug mga lakang nga supak sa Omnibus election code aron nga dili mapasakahan ug reklamo.
Bisan nga wala pa silay nasayran nga kantidad nga nakasupak sa campaign rules, apan aduna sumala pay nadawat nga impormasyon ang ahensiya nga adunay pipila ang nagpahigayon ug vote buying hinungdan nga ila na kining giimbestigahan sa kasamtangan.
