DAVAO CITY – Dungan sa nagkaduol nga eleksiyon sa bulan sa Mayo, nagpahimangno ang Commission on Elections in Davao (Comelec 11) sa mga botante nga kinahanglan magbinantayon sa over-voting ilabi na sa usa ka posisyon sa kandidato gumikan kay mamahimong ma-invalid sumala pa ang boto niini.
Gitino ni Atty. Krisna Caballero, spokesperson sa Comelec 11, nga gumikan kay automated ang midterm election gamit ang vote counting machine (VCM), kinahanglan nga dili pasobrahan ang pagboto sa mga kandidato.
Hinuon gitino sa opisyal nga kung dili valid ang over-voting, mamahimong counted ug valid ang under voting o moboto lamang ug lima ka senators inay nga 12.
Samtang padayon karon ang Comelec sa ilang information drive alang sa proper voting process aron nga malikayan ang
election ballot-related incidents atol mismo sa eleksiyon sa Mayo 13 ning tuig kasamtangan.
