COMELEC gipasigarbo ang taas nga accuracy rating sa gigamit nga Vote Counting Machine

Gipasigarbo sa Commission on Elections (COMELEC) ang taas sumala pa kaayo nga accuracy rating sa gigamit nga automated vote counting machine atol sa bag-ohay lamang nahuman nga May 2025 elections.

Sumala ni COMELEC Chairman George Garcia, base sa Random Manual Audit (RMA) nga gimando sa balaod, migawas nga ang accuracy rate sa automated vote counting machines miabot sa 99.996%.

Kini nga resulta mas taas pa kung itandi sa natala sa 2022 national elections, nga adunay 99.95% accuracy rate. Gilauman nga makompleto ang audit sa Hunyo 28 karong tuig.