DAVAO CITY – Gipasalig sa Commission of Elections (Comelec) Davao City nga ihatag gilayon nila sa tanan nga mga electoral board members ang honorarium, 15 ka adlaw human ang eleksiyon. Sumala pa kang Comelec spokesperson Krishna Caballero, nga nagpahigayon ang poll body ug fast-tracking sa pagpaguman sa honorarium aron nga dali gilayon kini nga madawat sa mga magtutudlo.
Nasayran nga dinhi sa dakbayan, adunay kapin 3,000 electoral board members nga nagserbisyo atol sa midterm elections.
Samtang mukabat sa 1,139 ang clustered precincts sa siyudad.
Subay sa Comelec Resolution 10527, ang honorarium sa mga nagserbisyo sa eleksiyon kinahanglan nga mahatag 15 ka adlaw human ang pili-ay.
Samtang nagpasalamat sab ang opisyal ngadto sa mga magtutudlo sa ilang dedikasyon atol sa eleksiyon luyo sa mga suliran nga nasinatian kalakip na niini ang pag-malfunction sa SD cards sa vote counting machine (VCM) ngadto sa pipila ka mga clustered precincts.
