DAVAO CITY – Nanawagan ang ahensiya sa Commission on elections (Comelec) ngadto sa mga botante nga duruha ka higayon na nga wala nakaboto nga mobisita sa ilang buhatan o district offices sa Magsaysay Park aron nga dili ma di-activate ang ilang mga pangalan.
Kahinumduman nga gihatagan lamang ug hangtud Setyembre 30 sa Comelec ang mga botante ang asikasuhon ang ilang mga pangalan sa listahan.
Samtang nagpasalamat sab ang Comelec gumikan kay padayon karon ang pagdagsa sa mga district offices aron nga magparehistro ilabi na nga bisan holiday kagahapong adlawa.
Una ng gibutyag ni Atty. Krisna Samantha Caballero, tigpamaba sa Comelec nga plano sa ahensiya nga magpahigayon ug satellite registration sa mga barangay aron nga mas daghanang botante ang ilang maakomodar.
