Gi-awhag ni Senate Majority Leader Francis Tolentino ang Commission on Elections kon COMELEC nga palapdan pa ang ilahang information dissemination campaign aron mapahibalo ug maedukar ang mga overseas Filipino workers kon OFW kong unsay angay nilang buhaton sa online voting.
Gitataw ni Tolentino nga sa dugay na nga panahon, daghang mga Filipino ang gihikawan sa ilang katungod sa pagbotar lakip na ang mga Filipino seafarers nga dili makabotar tungod kay anaa sila sa tunga sa dagat.
Tungod niini, gipasundayag sa senador ang pagpanigkamot sa ahensya nga makapasa na og pilot test internet voting alang sa mga OFW sa 2025 midterm elections.
Sumala kay Comelec Chairman George Garcia, kini ang unang higayon nga ipatuman nila ang internet-based voting.
Sabay niini, miapela usab ang magbabalaod sa mga OFW nga magparehistro na alang sa mga overseas absentee voting ayha mahuman ang deadline sa September 30, 2024.
Bisan pa man niana, angkon ni Garcis nga lisud usab ang voting pinagi sa email tungod pipila na ka balota ang nawala o di kaha wala nakadawat ang mga botante maong wala na kini nabalik sa ilahang buhatan.
