Adunay pagduda ang Commission on Elections (Comelec) sa giduso nga mandatory drug test sa mga kandidato ug mga elected officials.
Gibutyag ni COMELEC Chairman George Garcia, nga dili matud pa mandatory ang drug test apan mamahimong boluntaryong mopailawom ang mga kandidato Dungan sa ilahang certificate of candidacy.
Dugang pa niini nga ang sugyot nga pagpailawom sa sa drug testing sa mga elected ug appointed official ang usa ka maayung proposal apan aduna kini sumala pa legal implication nga angay lantawon.
Nakalatid sa ruling sa Supreme Court nga walay katungod ang Comelec nga manduan ang mga kandidato nga mopailawom sa drug testing ug ang nasampit nga pamaagi usa ka unconstitutional.
Kini ang nahimong reaksyon sa COMELEC Chairman kabahin sa proposal ni Davao City District 1 Rep. Paolo Duterte nga gimanduan ang tanang mga elected ug appointed officials lakip ang pangulo sa nasud nga mopailawom sa mandatory random drug test matag unom ka bulan.
