DAVAO CITY – Nagpahimangno ang COMELEC 11 Asistant Regional Director nga si Atty. Gay Enumerables ngadto sa mga mudaganay nga lugwayan pa ang ilang mga pasensya sa pagsumite og certificate of candidacy kon COCs alang sa Barangay ug Sangguniang Kabataan Elections 2023 sa Oktobre.
Sumala sa opisyal, gumikan kana sa nasinatiang gidaghanon sa mga magpapili kagahapon atol sa unang adlaw sa pagpasa sa COCs sa mga magpapili nga mga barangay ug SK officials karong Oktubre 30, ingon man National Heroes Day kon holiday.
Kasagaran matud pa sa mga mudaganay, mga magkapamilya nga incumbent barangay officials nga dungang nagpasa og COC.
Gikanayon usab sa opisyal nga tanan nag-file karon gikonsidera isip mga independent candidates nga mamahimong mumugna og grupo apan dili usa ka political party.
Nagpahimangno ang opisyal nga dili dapat magpalangay-langay ang mga magpapili sa mga mudaganay tungod sa gilaumang gidaghanon, ug kinahanglan sab nga musunod sa pila.
Una nang gikabutyag sa DILG 11 nga gilaumang magsaka ang ihap sa mga magpapili karong BSKE gumikan sa hisgutanang honorarium.
Mulungtad ang filing sa COC sugod karong adlawa hangtud karong Sabado, Setyembre 2. Sa laing bahin, nagsugod na sab ang three-month election gun ban sugod kagahapon, alas-12:01 sa kaadlawon.
Sumala sa Davao City Police Office, nakaalerto na ang tanang 19 ka mga police stations sa dakbayan nga magbantay tali election related crimes.
via || Bombo LJF
