DAVAO CITY – Gikabutyag sa COMELEC 11 nga wala nagnilabad ang mga mudaganay alang sa Barangay ug Sangguniang Kabataan Elections 2023.
Sumala pa ni COMELEC XI Assistant Regional Director Attorney Gay Enumerables, hingpit nga nagtuman ang mga mupapili sa barangay kalabot sa sayo nga pagpangampanya kon premature campaigning.
Sanglit, wala sab nakapaskil nga mga posters ug uban pang paraphernalias sa bisan asang dapit sa barangay.
Hinuon, una nang nagpahimangno ang buhatan mahitungod sa pag-post sa social media kalabot sa ilang kandidatura karong piniliay diin sukwahi kini sa ilang mandato ug posibleng masantop kini sa disqualification.
Gipangandaman sab sa ahensya ang paglusad og Operation Baklas sa pipila ka mga adlaw.
Sa datos sa COMELEC 11, anaa sa 47,637 ka mga aspirante gikan sa 1,162 ka mga barangay sa rehiyon ang mudaganay sa BSKE karong Oktubre a-30 ning tuig kasamtangan.
via || Bombo LJF
