DAVAO CITY- Patay ang usa ka 19-anyos nga construction worker nga residente sa Malita,Davao Occidental, human nga maigo sa nahugno nga bridge column cage o rebar sa ginahimong tulay sa Malagamot ning dakbayan sa Davao.
Subay sa report gikan sa Sasa PNP, giila ang biktima nga si JP Villanueva Oftana, 19-anyos, ulitawo, usa ka steelman nga taga Malita Davao Occidental.
Samtang adunay duha usab ka mga kaubanan niini ang nangaangol nga sila Ian Jarol, 25-anyos nga taga Quezon City ug Rogelio Roxas 28-anyos nga taga Island Garden City of Samal nga susamang mga steel man sa Weeng Elmera Construction,Inc.
Sa imbistigasyon sa kapulisan, sumala pa sa usa ka foreman nga si Christopher Ibao nga pasado alas tres sa hapon niadtong Lunes sumala pa samtang ilahang ginatrabaho ang mga tukod sa Column Bridge 3 pier kalit sumala pa kining nabungkag ug nahugno samtang ang biktima nga si JP Oftana wala nakalikay nga anaa sa duol niadtong tungura nga maoy hinungdan sa iyahang kamatayon.
Ang duha niini ka mga kaubanan ang napagan sa maong panghitabo hinungdan sa ilahang pagka-angol nga daling gidala sa Brokenshire Hospital.
Sumala pa mga gidala pa sa ospital usab si Oftana apan gideklara na kining patay sa mga doktor.
Dugang sa gihimong imbistigasyon sa mga otoridad walay nakita nga adunay senyales sa komosyon sa maong dapit ingon man foul play sa nasampit nga panghitabo.
Sa karon ang patay nga lawas sa biktima ang gipahiluna na sa purenarya ning dakbayan.
