DAVAO CITY – Isip kabahin pa gihapon sa mga lakang aron nga malikayan ang pagsulod sa African Swine Fever (ASF) dinhi sa siyudad, nagpahimutang na sab karon ang mga personahe sa Philippine Coast Guard (PCG) ug foot bath sa may Sta. Ana Wharf nga pasulod ug patabok sa Island Garden City of Samal.
Sumala pa kang Comm. Gary Laynesa, commander sa coast guard station Davao, nga gawas sa Sta. Wharf, plano sab nga butangan ug foot bath ang Sasa wharf ug uban pang pantala sa siyudad aron masiguro nga dili na makasulod sa uban nga areas sa dakbayan ang ASF.
Sa higayon sumala pa nga mokanaug na sa mga pantalan ang mga pasahero, kinahanglan nga mo-agi kini sa foot bath isip kabahin sa hugtanon nga pamaagi batok sa ASF.
Kahinumduman nga doble amping karon ang siyudad human nga naapektohan na sa maong disease ang duruha ka mga barangay sa dakbayan nga gilangkuban sa Barangay Dominga ug Lamanan.
