Nagpaguwa ug pamahayag si Davao City Mayor Sebastian Baste Dutere kabahin kini sa padayon nga nagakahitabo nga kaguliyang sa KOJC compound.
Gikanayon sa maong pamahayag nga girespitar sumala pa niini ang bisan unsang warrant of arrest basta kay nakasunod lamang kini sa balaod.
Apan namatikdan sumala pa sa mayor nga ang mga myembro sa PNP nga gipangulohan nila General Marbil ug General Torre, wala na daw matod pa kini misunod sa sakto ug legal nga pag implementa sa warrant, labi na ang sobra nga paggamit niini ug pwersa batok sa mga inosenteng tao ug dili sab otorisadong pag okupar sa KOJC Compound.
Dugang pa sa maong mayor nga gustohon matud pa niya nga magpatunga sa maong panghitabo, apan wala gihapon daw kini kapuslanan kay ang mga pulis mas maminaw kini sa mando sa ilahang PNP Chief ug sa ilang Commander-In-Chief nga si President Bongbong Marcos.
Subli sab nagpahibalo si Baste ngadto sa mga dabawenyo nga ginapaniguro gihapon niini ang kaluwasan ug kahapsay sa syudad luyo pa man sa mga nagakahitabo sulod sa Dakbayan sa Davao ug lakip na usab nga nagbilin kini ug pangutana ngadto sa kapulisan kung hangtod kanus-a kini magpabilin diha sa sulod sa maong nahisgutang compound.
