DAVAO CITY – Andam na ang Disaster Risk Reduction Management (DRRM) sa Department of Agriculture (DA) eleven nga molusad ug cloud seeding operation sa mga lalawigan nga nanginahanglan gayud ug ulan.
Kini ang gihatagan ug katin-awan ni Roy Pascua, tigpamaba sa DRRM sa DA eleven. Gitataw ni Pascua nga ang nag-una sa ilang talaan nga himo-an ug cloud seeding operation mao ang lalawigan sa Davao del Sur, apan kung dunay mga lalawigan nga mohangyo sab sa nahisgutan nga ulan ila sab kining hatagan ug pagtagad.
Sumala sa DA eleven nga nalangan lamang sila ug dyutay gumikan sa ilang gisunod nga mga proseso.
Nomad plane ang gamiton alang niini, hinongdan nga nakig-alayon sab sila pinaagi sa Philippine Air Force (PAF).
“Sa cloud seeding na delay lang ta ug gamay kay naa man ta’y ginasunod nga procurement process. Pero hopefully within the coming days ma boaster na ta ana. Naay eroplano dinhi ang Nomad aircraft prepared na. Nag-coordinate na mi with the Regional Disaster Coordinating Council (RDCC).” Si Roy Pascua, tigpamaba sa DRRM sa DA eleven.
