DAVAO CITY – Ipatuman sugod karong adlawa sa Bureau of Fisheries and Aquatic Resources (BFAR) 11 ang closed fishing season sa Davao Gulf.
Tungod niini, naka-dock na ang tanang mga local fishing boat sa Toril Fish port.
Kini na ang ika-unom ka tuig sa closed fishing season nga gipatuman sa BFAR Davao sa kadagatan sa Dabaw.
Gikan Hunyo 1 hangtud Agosto 31 ning tuig kasamtangan hugot nga gidid-an ang mga commercial fishing boat nga molawig sa kadagatan sanglit sulod niining mga panahuna nagsugod na sa pagpangitlog ang mga ginatawag og small pelagic fishes nga gilangkuban sa carabalyas, anduhaw, burot, moro-moro ug matambaka.
Pamultahon sumala pa ug gikan 20 mil hangtud tunga sa milyon ka pesos o depende sa kadaghanon sa ilang mga nakuhang isda, o kaha mabilanggo gikan 6 ka bulan hangtud 6 ka tuig.
Hinuon, gitugutan sa BFAR nga managat ang mga gagmay nga mga mananagat.
