DAVAO CITY – Gipahigayon sa mga personahe sa DENR 11 ang clearing operation sa mga campaign materials nga gipangbutang sa mga punuan sa kahoy.
Kini ang subay sa kamanduan ni DENR XI Regional Executive Director Bagani Fidel A. Evasco human makadawat ugt mga report gikan sa mga concern citizen labot sa nagkadaghang ihap sa mga campaign materials nga gipang-butang sa mga punuan sa kahoy dinhi sa dakbayan sa dabaw.
Labot niini, gipahinumduman nga Evasco ang mga midagang local ug national candidates nga tambagan ang ilang mga supporters nga dili magbutang ug mga tarpaulin sa mga punuan sa kahoy gumikan kay maghatag kini ug dakong kadaut sa mga kahoy ilabi na kung gamitan ug lansang.
Moabot usab sa 2 cubic meters sa mga campaign materials, nga gilangkuban sa mga wood frames and posts ang gipangtangtang subay sa Dacudao Avenue ug Buhangin Diversion Road.
Ang mga makasupak sa balaud ang pahamtangan ug silot nga pagka-priso nga dili mo-ubos sa 6 ka bulan o dili mokapin sa 2 ka tuig, o kaha pamultahon ug gikan P500 hangtud P5,000 o kaha sa susamang duha ka mga silot ngadtro sa hukmanan.
