DAVAO CITY – Angayan sumala pa nga mutamod ang mga kandidato sa lokal nga posisyon sa gipagula nga kamandoan sa lokal nga kagamhanan aron nga masiguro nga limpiyo ang siyudad sa higayon nga matapos na ang eleksiyon ug dili magkatag ang mga election paraphernalia.
Kahinumduman nga una ng gipagula sa lokal nga kagamhanan ang bag-ong Executive Order 15 Series of 2022 o kinahanglan nga magpahigayon ug cleanup operation sa tanan nga mga election paraphernalia sa siyudad sugod sa Mayo 10 hangtud 12, 2022.
Unod sa mandato nga kinahanglan tanan nga mga local candidates mumugna ug kaugalingon nila nga team nga mo-retrieve, re-use ug recycle sa tanan nga mga local ug national election paraphernalia sa siyudad.
Hugtanon sab nga gi-ban ang pag-dispose sa mga materyales sa garbage bins o waste disposal points sanglit mga plastic inay nga i-recycle.
Una na sab nga gibutyag ni Jayvee Agas, hepe sa Department of Environment and Natural Resources (DENR)-Davao, nga nakiglambigit karon ang DENR-Davao ngadto City Environment and Natural Resources Offices (Cenro) ug Provincial Environment and Natural Resources Offices (Penro) arun nga hugtanon nga imonitor ang mga campaign materials nga gipahimutang sa mga ginadili nga lugar.
Gikanayong sukad sa milabay nga semana, anaa sumala pa sa two cubic meters nga kantidad sa campaign materials ang na-retrieved sa DENR-Davao sa mga nagkadaiyang lugar sa dakbayan.
