DAVAO CITY – Nakiglambigit na karon ang City Tourism Office (CTO) ngadto sa Philippine Coast Guard (PCG) 11 kini aron mapahugtan pa ang pagmonitor sa mga motorize bangka sa Sta. Ana Wharf nga nagpahigayon ug island tour packages bisan nga walay ensakto nga permit.
Kahinumduman nga 20 ka mga operators ang gipahimangnoan karon sa CTO human nga pipila niini ang gireklamo sa mga customers gumikan kay wala sumala pa nahinayon ang ilang island hopping.
Nasayran sab sa ahensiya nga pipila sumala pa sa mga tour guide sa nahisgutang mga motorize bangka ang wala naka-rehistro.
Gitino sa CTO nga tugtan lamang ang operasyon sa mga motorize bangka kung aduna kini gihuptan nga business permit, tourism license ug uban pang gikinahanglan nga mga dokumento.
Samtang sa bahin sa PCG 11, gikanayon ni Commodore George Maganto nga kung walay permit ang usa ka motorize bangka, dili nila kini tugtan nga makabiyahe bisan nga nagbayad kini pagdunggo sa Sta. Ana wharf.
