DAVAO CITY- I-prioritze matud pa sa panggamhanan ang mga drayber nga nakahuman sa Technical Education and Skills Development Authority (TESDA).
Ang mga nahisgutan ang unahon sumala pa alang sa mga social packages sa gobyerno nga kabahin sa pagpatuman sa High Bus Priority System (HPBS).
Subay niini, gibutyag ni HPBS social development OIC Norman Baloro nga gihangyo na matud pa nila si Davao City Mayor Inday Sara Duterte-Carpio nga mupadala og sulat ngadto sa TESDA national aron nga hangyoon kini nga mumugna og programa alang sa bus driving training.
Nasayran nga usa sa mga gitanyag nga serbisyo ngadto sa mga drayber ug operator nga maapektohan sa phase-out sa PUJs mao ang National Coalition of Certification Centers (NC3).
Ang mga driver nga makahuman sa 20 ka adlaw nga training ang i-prioritize matud pa atol sa pag-hire og mga bus drivers. Gawas sa TESDA ug uba pang mga social pension packages, migahin usab ang Department of Health (DOH) og P50 million isip tabang sa mga apektadong drivers ingon man operators.
Nasayran nga migahin usab ang lokal nga panggamhanan og P250 million isip counterpart fund sa pagtabang sa mga nahisgutan.
Nasayran nga anaa sa 100 ka mga bus ang ipakatag sa Toril, 50 ka mga bus sa Catalunan Grande ug 10 sa C.P. Garcia Highway atol sa pasiuna nga hugna sa implementasyon.
