DAVAO CITY – Gumikan sa padayon nga pagsaka sa ihap sa kaso sa Coronavirus Disease 2019 (Covid-19) sa nasod, nakadesisyon ang konseho ning siyudad sa pagbalik sa Davao City Emerging and Re-emerging Infectious Diseases Task Force (EREID Task Force) nga kanhi gitawag nga Ebola Task Force.
Kini ang gibutyag ni konsehal Joselle Villafuerte atol sa Decoding Covid-19 forum nga gipatawag ni Vice-Mayor Sebastian “VM Baste” Duterte kini aron nga mahatagan ug tukma nga impormasyon ang mga public kalabot sa maong disease.
Atol sa gipahigayon nga forum, gikanayon ni Annabelle Yumang, regional director sa Department of Health (DOH), kinahanglan ang pag-reactivate sa task force ug dili kinahanglan nga maghulat sa local transmission dinhi sa dakbayan.
Gikanayong ang mga miyembro sa EREID Task Force ang gipailalom na sa pagbansay apan kinahanglan pa gihapon nga mopailalom ang mga nahisgutan nga re-training ilabi na sa pipila ka mga ekipo nga gamiton.
Gipasalig sab niini nga ang lokal nga panggamhanan ilalom sa liderato noi Mayor Inday Sara Duterte ang mihimo sa mga gikinahanglan nga lakang batok Covid-19.
