DAVAO CITY – Aprubado na sa City Council sa ikatulong pagbasa ang pagpagula ug P300,000 isip assistance sa Interface Development Interventions (IDIS), usa ka environmental non-government organization, alang sa pagpatuman sa Bantay Bukid Program karong tuiga.
Sumala pa kang IDIS Executive Director Chinkie Peliño-Golle, gikalipay nila pag-ayo ang paghatag ug suporta sa Bantay Bukid Program nga dakong tabang aron nga ma-protektahan pa ang kinaiyahan.
Gikanayong ang salapi gamiton aron nga i-sweldo sa Bantay Bukid coordinator ingon man sa gikatakda nga capacity building/training alang sa Bantay Bukid volunteers matag tuig.
Kahinumduman nga ang IDIS nagdumala sa capacity building ug monitoring sa Bantay Bukid volunteers sa mga barangay sa Gumalang, Tawantawan, Tamugan, Wines, Tambobong ug Carmen.
