DAVAO CITY – Gikatakdang mag-abli na sa ilang klase ang City College of Davao (CCD) karong Agosto 7, 2023.
Gipahibalo sa tunghaan ang admission schedules niini, nga adunay on-site applications gikan Hulyo 3-14, screening gikan sa Hulyo 17-19, ug releasing notice gikan sa Hulyo 20-21.
Magsugod ang enrollment period gikan sa Hulyo 26-28. Gikinahanglan ang mga rekesitos sama sa admission form, photocopy sa birth certificate sa Philippine Statistics Authority, Senior High School Report Card, ug residency certificate.
Ang ubang mga kinahanglanon naglakip sa certificate of good moral character, Income Tax Return, ug Certificate of Belonging to Indigenous Peoples Group.
Nagtanytag ang tulunghaan og mga kursong Bachelor of Technical-Vocational Teacher Education, Bachelor of Early Childhood Education, ug Bachelor of Science in Entrepreneurship.
Ang temporaryong campus, nga nahimutang sa Catalunan Pequeño, adunay 14 ka mga klasrum, opisina ug mga laboratoryo.
Gigahin ang budget nga P9.8 milyones alang sa temporaryo nga site, diin 1,000 ka mga estudyante ang gitarget alang sa unang batch sa mga enrollees.
via || Bombo LJF
