-- ADVERTISEMENT --
Patay ang 22 ka tawo gumikan sa nahitabong cholera outbreak sa Sudan.
Sa gipagawas nga pamahayag ni Health Minister Haitham Mohamed Ibrahim, mukabat sa 22 ka tawo ang namatay gumikan sa nahisgutang sakit ug anaa sa 354 ang kumpermadong kaso sa cholera sa tibuok nasud, sa nakalabay nga semana.
Apan wala usab mihatag ug insaktong panahon ang nahisgutan kung kanus-a gikatala ang mga nangamatay.
Samtang gipahayag usab sa World Health Organization (WHO) nga mitala kini ug 78 ang nangamatay gumikan sa cholera karong tuiga sa Sudan.
Samtang mukabat sa 2,400 ka tawo na usab ang naapektuhan sa nahisgutang sakit sukad sa Enero 1 hangtod Hulyo 28.
-- ADVERTISEMENT --
