DAVAO CITY – Bisan nga matapos na sa Oktubre 27 ang unang hugna sa Sabayang patak kontra polio, padayon pa gihapon ang panawagan karon sa ahensiya sa City Health Office (CHO) sanglit aduna pa gihapoy pipila ka mga barangay sa siyudad ang nagpabiling ubos ang ihap sa mga bata nga gipailalom sa maong bakuna.
Sumala pa kang Julinda Acosta, Technical Division chief sa CHO, nagpabilin karon nga hagit sa ahensiya ang pagkumbinsi sa mga inahan nga pabakunahan ang ilang mga anak sanglit pipila sa mga nahisgutan ang mahadlok pa gihapon niini.
Hinuon positibo pa gihapon si Acosta nga bisan hapit na nga matapos ang unang hugan sa polio vaccination program, positibo pa gihapon sila nga maangkon ang 100 percente nga immunization coverage dinhi sa dakbayan.
Sa kasamtangan, mas gihatahan sumala pa nila ug pagtagad kadtong mga distrito sa dakbayan nga adunay ubos nga coverage sa maong bakuna.
Nakiglambigit na sab sumala pa sila sa mga subdivision aron nga tugutan ang ilang mga personahe nga makapahigayon ug bakuna sa mga bata.
