DAVAO CITY- Gipakusgan pa sa lokal nga panggamhanan sa dakbayan pinaagi sa City Health Office kon CHO Nutrition Division ang ilahang nutrition campaign alang sa tanang edad sulod sa barangay level.
Matud pa ni Beth Banzon, Head sa CHO Nutrition Division nga ilaha pang gipakusgan ang reogranization sa Barangay Nutrition Committee aron kini ang makatabang sa pag implementa sa nutrition-related programs sa dakbayan.
Nagpadayon usab ang pag-awhag sa nutrition divison nga tanang sektor sa komunidad, ilabi na sa mga miyembro sa pamilya, i praktis ang saktong diet nga adunay health meals ug physical activity.
Matud pa ni Banzon nga atol sa selebrasyon sa Nutrition Month ning bulana, tumong nila nga makuhaan ang mga kaso sa child stunting ug wasting, lakip na ang pagtubag sa tripleng dalang problema sa malnutrition, overnutrition ug micronutrient deficiency.
Aron matubag ang maong isyu, gitarget na sa Nutrition Division ang mga distrito nga ginahanglan pa pakusgan ang information drive kalabot sa nutrition diin lakip na niana ang mga barangay nahimutang sa Geographically Isolated and Disadvantaged Areas sama sa Paquibato ug Marilog District.
Subli usab nga nag-awhag ang CHO Nutrition Division sa mga dabawenyo nga musalmoy sa kulminasyon sa Nutrition Month karong umaabot nga Hulyo 30 sa Abreeza Mall ning dakabyan sa dabaw.
