DAVAO CITY- Nagpasidaan ang City Health Office ngadto sa publiko mahitungod sa leptospirosis diin nabantayan nga adunay pagsaka sa kaso niini panahon sa ting-ulan.
Gibutyag ni CHO Head Dr. Tomas Miguel Ababon nga ang CHO Epidemiology and Surveillance Unit ang nakatala og kinatibuk-ang 70 ka kaso ug 14 ka pagkamatay gikan sa leptospiroris alang sa unang unom ka bulan sa tuig sugod Enero hangtod Hunyo 8 ning tuig kasamtangan.
Kon itandi mas taas kini ug 62.8% kon itandi sa 43 lamang ka kaso sa susamang panahon sa milabayng tuig.
Ang leptospirosis ang nagkigan sa Leptospira bacteria nga makita sa parehong wild ug dometic animals lakip na ang ilaga, iro, baka ug baboy.
Apan matud pa, pinaka komon kini sa mga ilaga tungod nag-ula sila og daghang leptospirosis sa ihi niini.
Matud pa ang ihi a nadala sa baha ang magbalhin sa bacteria ngadto sa tawo.
Sumala pa nga sa 182 ka barangay sa syudad, ang Brgy. Bucana ang nanguna niini nga adunay 10 ka kaso, gisundan kini sa Brgy. Buhangin nga adunay 6 ka kaso ug Brgy. Maa nga adunay lima ka kaso.
Base sa datos, 44 sa 70 ka kaso o 62.9% nga mga nataptan ang gikan sa exposure sa tubig baha. Kasagaran usab sa mga nataptan mao ang mga lalake nga nagpangidaron ug 20-24 anyos ug 40-44 anyos.
Lakip sa sintomas sa leptospirosis mao ang taas nga hilanat, grabeng labad sa ulo, pangurog, sakit sa kaunoran, pagsuka, jaundice, sakit sa tiyan, kalibanga, ug pantal.
Pahimangno sa maong buhatan nga og maexpose sa tubig baha, gina-pahimangnuan gayud kini nga mo inom og prophylaxis alang sa leptospirosis aron mabawasan ang susama sa impeksyon.
Nagpahibalo usab kin nga adunay igo nga prophylaxis sa tanang health centers sa syudad nga mamahimong mapagayo nga libre apan nagadende usab matud pa ang supply sa ihap sa mga kaso.
Naga-awhag usab ang Cith Health Office ngadto sa matag barangay nga mag conduct ug regular clean-up drives sama sa de-clogging sa creeks ug kanal aron mababagan ang pagdaghan sa mga ilaga.
