DAVAO CITY – Nagpahimangno ang City Health Office (CHO) XI sa katawhan nga kung adunay balati-an sa sakit nga Sexually Transmitted Diseases (STD), mamahimo nga magpa check-up gilayon aron dili na kini makatakod pa sa uban.
Sumala sa pamahayag ni CHO XI head Josephine Villafuerte, kung adunay history nga nakipaghilawas ug nakasinati sa nahisgutan nga balatian, kinahanglan nga magpa check-up gumikan nga nagkuyanap na ang maong sakit dinhi sa syudad.
Dugang sa opisyal, aron matambalan kini, mamahimo nga mudangop sa Reproductive Health and Wellness Center sa syudad.
Sumala pa nga dili mailhan sa nawong sa usa katawo kung aduna na kini STD.
Nagpasidaan sab ang ahensya nga dili matud pa magpataka og tambal sa maong sakit gumikan posible kining mahimong hinungdan nga mas mograbe pa hinuon ang maong balatian.
Kung dili makapatambal og sakto mamahimong magpabilin gihapon ang maong sakit sa sexual organ ug mahimo pa kini nga makatakod sa uban.
Ang sunod-sunod nga pamahayag ni CHO XI head Josephine Villafuerte.
