Nagpahigayon na karon ug mga preventive measures ang City Health Office ning dakbayan sa Davao pinaagi sa Environmental Sanitation Division and Tropical Disease Division aron nga mapugngan ang pagkuyanap ug pagtakod sa Hand, Food, and Mouth Disease (HFMD).
Padayon nga gilusad sa CHO ang pagpahigayon ug disinfection ingon man ang monitoring sa parke ug dulaanan sa mga bata sa nagkadaiyang bahin sa dakbayan.
Sumala ni Dr. Tomas Miguel Ababon, ang CHO officer-in-charge, nga gawas sa disinfection, ang City Epidemiology Surveillance Unit (CESU) ang naglusad usab ug close coordination sa mga school clinics aron sa pagmonitor sa maong balati-an.
Sumala pa sa opisyal nga ang padayon nga pagpahigayon ug surveillance kini aron nga subayon ang ihap sa mga kabataan kung aduna ba’y komplikasyon nga posibling motumaw gumikan sa HFMD.
Sa karon, adunay 30 ka mga kaso sa HFMD dinhi sa dakbayan nga gikan sa Oktubre 3 hangtod sa 16.
Ang Hand, Foot and Mouth desease ang sa ka mild viral infection nga gumikan sa enterovirus nga kini ang sagad nga nasinati-an sa Asia.
